南丫島美食團

1月19日(星期六)

我對上一次去南丫島都唔記幾時，我估都有四、五年前掛，於是約齊人去一次郊遊樂

當日好好天氣，好清楚望到ICC

帶菌者

1月25日(星期五)
病左一個禮拜，一個禮拜內已請左兩日半病假，病情越來越嚴重，迫於無耐睇多次醫生，駛唔駛咁多藥呀

雖然病得咁辛苦，但有個靚仔陪我訓

我訓左一個下晝，佢就訓足咁耐，其實我好驚傳染佢架，究竟人感冒會唔會傳染貓的


訓得"淋"過我，仲扯晒鼻寒

影你個衰左俾人睇下

病左一個禮物都冇啖好食，唔想委屈自己，就係屋企附近和民食飯

雖然咳到C，不嬲唔戒口的我，又點少得...佢

 

芒果樹

1月11日(星期五)

Mango Tree對於泰國達人來講真係冇人不識

其實早一兩年前已登陸銅鑼灣，我本住一個心態，我在泰國也食過，而且係香港一定又貴又唔會咁好食，所以一直冇去潮聖

近日他又進駐Elements，週遭的朋友試過評價不錯，是驅便我今次去一試的原因

地點較為隱蔽，好彩得CEO指點，原來係LV條走廊行入去


被多間名店包圍，老闆莫非想芒果樹打做為香港泰菜名店


一入門口當然係靚裝修，富有泰式設計，亦不失時代感



行入D見到有棵芒果樹，仲有落地大玻璃，可借唔係安排窗口位


好colourful的menu


Mango smoothie飲得出是混了糖水的，味道唔夠天然，其實都好難講，現在芒果不是當造季節


青芒果炸軟殼蟹沙律- 軟殼蟹炸到薄而脆身，加上酸甜爽脆的芒果絲，不失為一道開胃前菜


一兜橙紅的冬陰功，有一定辣度的冬陰功，味道尚算ok，可是缺少一種講不出的香味，可能是出於“思鄉”情意結


大頭蝦只得一個大字，其肉質較淋不是鮮甜


咖哩大蝦是店內推介之一，特別是在於黃色的咖哩醬，它多了一份鹹蛋黃香，如果配以白飯更佳


這隻珍寶巨蝦，蝦肉比上面冬陰功的大蝦為好


Phad Thai-見到薄薄的蛋網，是忠於傳統同時也顯出廚師的功夫


不過就欠缺「開門四件事」，要主動問才遞上有這個辣椒粉


最期待的芒果糯米飯，飯身很黏性，不是軟糯的口感，有點失望


自家製的荔枝、椰子雪糕很有水準，啖啖果肉外，也慘出果香，不是只有奶味及甜味

其實整體來講算不錯，但我還是鐘情在泰國食的泰菜，無論上至高級食府，下至街邊大排檔，香港任何一間泰菜館亦不能媲美

哎呀，仲要等個零月才食到正宗泰菜啦

墨西哥菜

1月10日(星期四)

大胃仔又相約食lunch，佢揀左Taco Truck 

是一間墨西哥菜快餐式的小店，真係好日都唔會食墨西哥菜


有a la carte 及套餐，價錢很相宜，而大多是為人作熟悉的薄餅、手卷、脆片等....


套餐抵咁多更係要套餐啦，可選主菜後，配以飯、nachos、沙律等及送餐飲

我要的主菜是雞肉芝士卷，超多芝士一定好好食，而卷皮又夠煙韌，口味濃郁又飽肚

傳統上是nachos配以莎莎醬，但點解唔係酸酸辣辣的，但呢pat野係冇味的，我還是鐘意係超市買的cheese nachos

而大胃的是牛/豬芝士夾餅，牛肉豬肉仍保持肉汁，味道夠香濃

雖然送餐飲，如要特飲就要加錢，我呢杯墨西哥洛神花茶就要加$7，甜甜酸酸很開胃，而且暖暖的飲落的舒服，是冬天佳品
對墨西哥甜品興不大，無謂嘥qutoa

臨走前，隔離坐左個靚仔，好鐘意佢個鬼老鼻，引唔住偷影左佢一張

奇妙旅程...食Buffet

1月6日(星期日)

迪士尼線開左咁耐，我5隻手指都數得晒我搭過幾多次

有兩次去酒店食野，一次才真正去樂園，今次是媽媽吹雞請去食buffet

遊客已盡興而歸，我才「逆流而上」
去到已日落時分了
酒店後園遊客不多
Buffet分兩場時段，我地食6點個場，早左到就係門口等左一陣

 

進入餐廳走廊富有童話感覺
雖然餐廳好大，但有點壓迫感
冷盤

熱盤

甜品

有軟雪糕，不過麥記的雞油雪糕好食過佢

仲有為小朋友而設的

印有米奇的馬卡龍

 

未被毀容前先影張留為紀念

我第一碟就主攻甜品

第二碟就係龍蝦，唔算好新鮮，又冇膏


全晚高潮就與一班迪士尼主角影相

Goody同Pluto好主動搵老公影相

我就同米尼合照


細妹就搵米奇


仲有不少「紀念品」....迪迪尼酒店每晚應該賺唔少呢，佢也賺左我兩張

其實食物種類及水準好一般，似是$3XX價錢的buffet質素，如以每位收$530來計，真係好貴

但有同迪士尼人物陪你食飯，大小朋友都嘻嘻哈哈、開開心心，都算值得